Çifti shumë i njohur i showbiz-it, Joe Jonas dhe Sophie Turner kanë nisur muajin e tyre të mjaltit dhe i kanë lënë të gjithë pa fjalë me postimet në Instagram, ku kanë treguar vendin përrallor ku po qëndrojnë.
Çifti ka udhëtuar drejt Maldiveve këtë të dielë dhe kanë rezervuar resortin më të shtrenjtë i cili ka kushtuar plot 28,101 dollarë nata.
Resorti quhet “Soneva Fushi” dhe dhoma e çiftit përfshin një rrëshkitëse e cila të hedh drejt e në oqean. Në një video të filmuar me dron, Joe ka treguar për ndjekësit pamjen e mrekullueshme të resortit, teksa rrëshket për në oqean dhe të gjithë janë mrekulluar nga pamjet që kanë parë.
“Ditë të lumtura. Gjeta lumturinë. Vizito Fushin”- shkruan Joe në postimin e tij, ndërsa në rrjet po aludohet se çiftit mund t’i jetë bërë ulje për pagesën e resortit meqë e kanë promovuar vendin për 26.5 milionë ndjekësit e tyre në Instagram.
