Më 14 shkurt, prezantuesja e fashme e “Love Island”, Caroline Flack , i dha fund jetës në apartamentin e saj në Londër.
Vdekja e saj solli trishtim të madh tek familjarët dhe publiku dhe të gjithë janë shprehur të shokuar nga ky veprim.
Megjithëse Caroline i dha fund jetës më 14 shkurt, u mësua se ajo nuk kishte asnjë problem me partnerin.
Për më tepër, ai e kishte uruar me një postim në Instagram për ditën e të dashuruarve.
Mirëpo, problemi i prezantueses kishte nisur më herët, në muajin dhjetor të vitit që lamë pas, kur ajo ishte arrestuar për sulm ndaj të dashurit.
Në një shkrim të publikuar vetëm pas vdekjes, prezantuesja insiston se nuk e ka sulmuar Lewis Burton pasi gjithçka ishte në fakt vetëm një aksident.
“Më 12 dhjetor 2019 u arrestova për sulm ndaj të dashurit tim … Brenda 24 orëve e gjithë bota dhe e ardhmja ime u shembën në këmbët e mia dhe të gjitha muret që kisha ndërtuar rreth meje prej kaq kohësh, u shembën. Papritur unë jam në një skenë tjetër dhe të gjithë po e shohin atë që po ndodh.
Unë gjithmonë kam marrë përgjegjësinë për atë që ndodhi atë nat, por e vërteta është se ishte një aksident.
Kam pasur kriza emocionale për një kohë shumë të gjatë.
Por unë NUK jam abuzuese në familje. Ne patëm një argument dhe ndodhi një aksident. Një aksident. Gjaku që dikush e publikoi në gazetë ishte gjaku im.
Kam humbur punën time. Shtëpinë time. Aftësinë time për të folur.
Nuk mund ta kaloj çdo ditë duke u fshehur e duke mos mundur të flas me askënd.
Më vjen shumë keq për familjen time, për problemet që u kam sjellë dhe për gjërat që miqve të mi iu desh të kalojnë.
Nuk po mendoj se si do të rikthehem në karrierën time. Unë jam duke menduar se si do të kthehem në jetën time normale, te familja ime”.- ka shkruar ndër të tjera prezantuesja.
Këtë mesazh Caroline ia kishte dërguar fillimisht të ëmës së saj, e cila e kishte këshilluar të mos e publikonte.
Prezantuesja duhet të dilte në gjyq më 4 mars për çështjen me të dashurin, mirëpo ajo u gjet e pajetë brenda apartamentit të saj të premten që lamë pas.
