Para dy orësh faqja e “UEFA” në rrjetin social Facebook ka postuar një foto të stadiumit ‘Air Albania’ me shkrimin: “Kush luan këtu?”
Kujtojmë se sot Shqipëria luan me Andorrën në orën 8:45 PM.
Shqipëria ka vetëm 20 lojtarë në dispozicion për ndeshjen e fundit kualifikuese, e cila zhvillohet pas pak orësh.
Shifra nuk plotëson protokollin e UEFA-s, sipas të cilit, në situatën pandemike, një skuadër duhet të ketë 23 futbollistë në dispozicion, mes titullarëve dhe lojtarëve të stolit. Për sfidën e sotme me Andorrën, kuqezinjtë duhet të bëjnë pa Cikalleshin, Gjasulën dhe Ismajlin të pezulluar me kartonë.
Kumbulla e Bare u dëmtuan me Anglinë, teksa probleme kanë edhe Veseli e Balaj, me këtë të fundit që nuk u stërvit me grupin. Ata i shtohen mungesave të Brojës e Gjimshitit.
Strakosha do të luajë në portë në rreshtimin 3-5-2, ku mbrojtja është totalisht e ribërë, me Mihaj, Dermaku e Hoxhallari. Në mesfushë, Bajrami do të jetë përpara Ramadanit e Laçit, me Hysajn e Lenjanin nga krahët.
Mund të aktiviziohen Roshi me Hysajn, për të lënë të paktën një alternativë në stol në këtë repart.
Sulmi do t’i besohet dyshes Uzuni-Seferi, teksa Andorra mund të jetë edhe shansi që lojatari Ernest Muçi të debutojë me Kombëtaren A.
