Këngëtarja shqiptare Dua Lipa shkëlqeu në ceremoninë e ndarjes së çmimeve “Grammy”, teksa e gjithë bota i kthey sytë nga ajo.
Dua u nderua me çmimin si albumi më i mirë i zhanrit pop, ndërkohë në vitin 2019 ajo u shpall artistja e re më e mirë e vitit 2019.
“Uau, shumë faleminderit. Kjo është një çmenduri. “Future Nostalgia” do të thotë bota për mua që e ka ndryshuar jetën time në shumë mënyra por një gjë që e kam kuptuar është se sa e rëndësishme është lumturia.”, u shpreh ndër të tjera Dua Lipa.
Me performancën e saj, Dua fitoi një fanse të re, vajzën 3 vjeçare të Kylie Jenner.
Kjo e fundit ka filmuar Stormi-n teksa kërcente nën tingujt e muzikës së Duas dhe dukej se e shijonte këngën në maksimum.
Dua vezulloi nga koka tek këmbët me një fustan nga “Versace”, me një domethënie të veçantë që na bëri kaq shumë kuriozë.
Dua u duk si një flutur e vërtetë, teksa edhe në fustanin e saj ishte dizenjuar një flutur.
Për këngtaren, po ashtu si dhe për Versace-n, fluturat simbolizojnë ngjalljen, ripërtëritjen e lëvizjen.
“Ky është një fustan Versace i bërë për këtë rast. Fluturat kanë patur shumë simbolikë për mua këtë vit dhe në fakt, kanë shumë domethënie edhe për Versace-n. Prandaj, m’u duk interesante të bashkoheshim dhe të bënim diçka të lezetshme”,- rrëfeu këngëtarja.
Dua u ngjit në skenë për të performuar “Don’t start now” dhe “Levitating”, duke shkëlqyer si një yll i vërtetë!
