Hej goca dhe çuna, dhëmbët e bukur janë gjysma e bukurisë! Kështu që mos u mendoni dy herë kur ju duhet të shpenzoni për buzëqeshjen tuaj. Të famshmit janë ata që duhet të kenë një paraqitje të kuruar fizike, kështu që mjaft prej tyre i kanë “vendosur paratë në gojë”, duke ndryshuar krejtësisht. Më poshtë do të shihni si kanë ndryshuar të famshmet shqiptare pasi kanë rregulluar dhëmbët:
Juliana Pasha
Këngëtarja ka ndërhyrë për të rregulluar estetikën e dhëmbëve dhe ia ka dalë, me zbardhimin e tyre. Kjo është një ndër ndërhyrjet e vetme për të cilën mund të jetë përfolur Juliana Pasha.
Marina Vjollca
Marina Vjollca, një nga prezantueset më simpatike të ekranit, është rritur para syve tanë në njëfarë mënyre, sepse ka qenë minorene akoma kur kërcente si velina e “Fiks Fare”. Edhe pse Marina, në ndryshim nga Luana, nuk ka preferuar të bëjë ndryshime drastike në fizikun e saj, ajo ka bërë gjënë e duhur duke u kujdesur për buzëqeshjen.
Luana Vjollca
Ajo është komentuar së shumti kohët e fundit nga rrjetet sociale për ndërhyrjet e saj në fytyrë. Por Luana Vjollca nuk u ka shpëtuar vëmendjes së mediave, për rregullimin e përsosur që u ka bërë dhëmbëve. Një foto ku shfaqet ‘dikur’ dhe ‘tani’, prezantuesja shfaqet duke qeshur dhe që i dallohen dhëmbët aspak estetikë. Por tani ajo ka buzëqeshjen që çdokush e dëshiron.
Vjola Spiro
Fotoja e moderatores, Viola Spiro, që u përfol për rregullimin e estetikës së dhëmbëve, u bë “mollë sherri”, mes një faqeje në “Instagram”, dhe nënës së moderatores. Mamaja e Violës ka shpërthyer me një reagim krahas kësaj fotoje duke theksuar se vajza e saj nuk ka kryer asnjë operacion, vetëm sa ka rregulluar dhëmbët. Dhe në fakt, moderatorja ka bërë ndërhyrje estetike dhe sot duket më bukur se kurrë.
Labinoti
Këngëtari nga Kosova Labinot Gashi ka publikuar gjithashtu një foto duke u kujdesur për dhëmbët dhe ka treguar se ndihet shumë pozitiv gjatë këtij procesi. Nuk dihet nëse ai ka shkuar për një kontroll periodik apo për zbardhim dhe estetikë. Gjithsesi buzqeshja e tij nuk ka të krahasuar sot.
Anjeza Branka
Dhembët e ndarë kanë qenë veçoria e vetme e këngëtares Anjez Branka. Ajo është shprehur se nuk i është dashur të ndërhyjë në to, kur është pyetur nga fansat: “Dhëmbët rregullohen, por nuk e kam pasur të nevojshme. Kur t’i kem do ta shohësh në foto ndryshimin”, shkruan Anjeza. Megjithatë fotot tregojnë një përmirësim të stetikës së gojës, që i ka shtuar nëj plus pamjes seksi të këngëtares.
Cozman
Këngëtari Cozman ka bërë të ditur pak kohë më parë se është i lumtur dhe me buzëqeshje në fytyrë përsëri, kjo gjë ngase ai i ka rregulluar dhëmbët. Anëtari i grupit Babastars, ka publikuar një foto në rrjetin social “Instagram” në të cilën shihet bashkë me një dentist në një klinikë dentare. “I lumtur me një buzëqeshje të madhe përsëri” janë fjalët e Cozmanit sipër fotografisë që ka postuar.
Jonida Maliqi
Jonida Maliqi ka treguar gjithashtu se kujdeset për estetikën e dhëmbëve të saj. Këngëtarja është kujdesur për të eliminuar hapësirat e dhëmbëve dhe ja ka dalë të duket perfekte. Ajo ka publikuar një foto te dentistja ku shkruan: “Të ikën fytyra kur shkon te Dentisti #nefaktuneshkojgjithnjemeqef ”
Burimi: ICONstyle
