Noizy duket se ka vendosur të shuajë të gjitha hatërmbetjet e keqkuptimet që kanë zgjatur me vite, me disa prej reperave shqiptarë.
Jo vetëm me Stresin, ai ka bërë paqe edhe me mikun e tij të vjetër Dudën, të cilin e ftoi gjithashtu të performonte në koncertin “Alpha Show”.
Noizy gjithnjë e ka cilësuar Dudën si “Vëlla” pavarësisht problemeve që kanë patur. Tashmë na pret edhe një surprizë e bukur nga çunat. Ata kanë në mendje të sjellin një bashkëpunim pas kaq vitesh, siç lë Noizy të kuptohet në një postim në InstaStory.
“Muzikë e re?”- shkruan ai duke etiketuar Dudën.
Në një intervistë më herët, Noizy tha se është e vërtetë që ka patur hatërmbetje mirëpo ka shpresuar për rregullim të marrëdhënies.
Jo vetëm kaq por Noizy theksoi se: “Janë ca gjera që gjera që nuk mund të ndryshojnë te ne kurrë. Jemi rritur dhe i kemi dhënë fjalën njëri-tjetrit”.
“Me Dudën jam si ai pjestar i familjes që të bie dhe s’ke ku e çon. Sido që të shkojë vëllai mbetet vëlla. Nuk prishemi më Dudën. Po është e vërtet që kemi pasur hatërmbetje me njëri-tjetrin por shpresoj dhe besoj se do i rregullojmë. Do vijë një ditë që do takohemi dhe do sqarohemi ska ku të shkojë se jemi shumë të afërt. Janë ca gjera që gjera që nuk mund të ndryshojnë te ne kurrë. Jemi rritur dhe i kemi dhënë fjalën njëri-tjetrit.”- tha Noizy më herët.
