Një ngjarje shqetësuese ka ndodhur sot në një ndër shkollat e kryeqytetit. Në shkollën 9-vjeçare “Osman Myderizi”, pranë rrugës “Pjetër Budi”, në një prej klasave ku zhvillohej mësimi ra suvaja e tavanit.
Nga rënia e suvasë ka ngelur e lënduar mësuesja me inicialet E.P, e cila jepte mësim në atë orë. Nxënësit nuk kanë pësuar lëndime, por janë tmerruar në momentin që ka ndodhur ngjarja.
Mësuesja tashmë ka marrë kujdesin mjekësor dhe “Ballkanweb” ka mësuar se ajo është jashtë rrezikut për jetën. Në vendngjarje kanë mbërritur forcat blu dhe tashmë ka nisur hetimi i ngjarjes.
