Një makinë është përfshirë nga flakët në kryeqytet pak minuta më parë, duke shkaktuar panik tek qytetarët.
“Ballkanweb” raporton se makina ka qënë në ecje tek kryqëzimi i rrugës ‘Bardhyl’ me ‘Qemal Stafën’, kur krejt papritur shpërtheu në flakë.
Sipas informacioneve paraprake, nuk raportohen për viktima apo të lënduar, pasi shoferi i automjetit ka arritur të dalë menjëherë nga makina.
Dyshohet se shkak i ngjarjes është bërë një shkëndijë elektrike.
Policia ka mbërritur në vendngjarje dhe po vijon hetimet.
