Deputetja e Kuvendit të Kosovës nga radhët e PDK-së, Flora Brovina, ka publikuar sot një foto të tmerrshme të përdhunimit të një gruaje shqiptare gjatë periudhës së luftës në Kosovë.
Brovina shprehet se këto pamje janë dëshmi se si ushtarët serbë kanë dhunuar femrat shqiptare dhe kanë abuzuar me to.
Në foton e publikuar një grua shfaqet e shtrirë përtokë teksa mbahet me forcë nga dy ushtarë ndërkohë që një tjetër e përdhunon.
Një ushtar që qëndron në këmbë shihet me pantallonat e tij ulur, gati për të përdhunuar gruan e shkretë.
Familjarët përreth saj janë vrarë, ndërsa disa të tjerë janë keqtrajtuar nga ushtria serbe.
“Këtë fotografi e kanë parë edhe EULEX-i edhe UNMIK-u, ata e dinë se kush është dhe nuk ka asnjë reagim”, tha Brovina duke mos dashur të japë më shumë detaje, sipas “Telegrafi-t”.
Çështja e kërkimit të drejtësisë për abuzimet e femrave shqiptare nga serbët gjatë periudhës së luftës u trajtua edhe në Kongresin Amerikan disa javë më parë.
E mbijetuara e dhunës seksuale nga forcat serbe dhe aktivistja Vasfije Krasniqi Goodman, dëshmoi në Kongresin amerikan duke sjellë historinë e saj të trishtë personale (lexo këtu).
