Pas debatit që pati mes dy të rinjve, 23-vjeçari Aldison Belulaj qëlloi për vdekje studenten e Drejtësisë, Ariela Murataj.
Ai nxori nga xhepi i xhupit një pistoletë, me të cilën vrau 21-vjeçaren dhe më pas qëlloi veten. Por Ariela nuk ndodhej e vetme në momentin që ndodhi ngjarja, ajo po shoqërohej nga motra dhe një kushërirë, të cilat e lanë dyshen që të bisedonin pak metra më tutje.
Në një video të postuar në rrjetet sociale, dëgjohen thirrjet dëshpëruese të motrës së viktimës, që kërkon ambulancën.
“Thërrisni ambulancën… thërrisni ambulancën”, dëgjohen thirrjet me ngashërime të motrës së viktimës, ndërsa në video duken dëshmitarë të rastit, që përpiqen t’i vijnë në ndihmë duke parë nëse vajza ka shenja jete apo jo.
Ndërsa në një video tjetër, autori i krimit shihet i mbuluar nga gjaku, ndërsa lëviz.
Kujdes pamje të rënda!
