Skena e dhunës ndaj nënës së pambrojtur në Allias ka ndodhur sot në një zonë tjetër të Tiranës, në prani të fëmijëve të vegjël të cilët nuk mund të bënin dot asgjë për ta ndihmuar. Në videon e siguruar nga JOQ shihet momenti kur djali dhunon para shkollës 9-vjeçare “Bajram Curri”, nënën.
Momenti është filmuar nga një qytetar, kalimtar dhe ka ndodhur në prani të fëmijëve të vegjël.
Rasti është denoncuar nga banorët e lagjes, të cilët të shqetësuar pretendojnë se agresori sapo ka dalë nga burgu dhe dyshohet se vuan nga probleme të shëndetit mendor.
View this post on Instagram
Në pamjet e publikuara më parë nga Iconstyle, ai është filmuar duke kapur prej flokësh nënën e tij të pambrojtur dhe e shtyn fort, teksa i bërtet me të madhe. Sipas raportimeve, kjo nuk ishte hera e parë që e moshuara dhunohet nga djali i saj.
“Në zonën e Alliasit është një nënë që jeton vetëm me djalin e saj; i cili para disa kohësh ka dalë nga burgu por ka probleme mendore. Tregohet shumë i dhunshëm me nënën e vet, dhe ajo është e sëmurë, ka 100 probleme shëndetësore, mezi ecen dhe dikur dhe thurte centro për të mbledhur para. Janë bërë denoncime por askush nuk bën gjë për këtë situatë dhe fqinjët nuk mund të bëjnë diçka gjithashtu.” – raporton qytetarja.
