Kina po përballet me një prej viruseve më të frikshëm në 17 vitet e fundit që nga epidemia SARS në 2003-shin.
Pekini po anulon ngjarje të mëdha publike, përfshirë panairin për Vitin e ri Hënor të Kinës, për shkak të Koronavirusit.
Qytetarët në Kinë shihen të tmerruar dhe nga videoja e publikuar nga “Daily Mail” shihet se si njerëzit e infektuar bien në mes të rrugës.
Duket se askush nuk iu afrohet pranë derisa mbërrin ambulanca, pasi të gjithë kanë frikën e infektimit.
Ky virus deri më tani u ka marrë jetën të paktën 26 personave dhe qindra të tjerë janë duke u mjekuar.
Sëmundja është përhapur kryesisht në Kinë, megjithatë raste të izoluara janë raportuar në Vietnam, Korenë e Jugut, Tajlandë, Tajvan, Singapor, Hong Kong, Makau dhe Japoni.
Ka pasur raste edhe në SHBA.
Virusi ka simptomat e një gripi dhe shenjat e infektimit përfshijnë probleme me frymëmarrje, ethe, kollë dhe gulçim.
