Më 4 korrik këngëtarja e dashur Era Istrefi festoi 26 vjetorin, pasi ajo ka lindur më 4 korrik 1994.
Ka qenë vetë autorja e hitit “Bonbon” që ka shpërndarë disa video në Instastory, ku tregon se ka pritur ditëlindjen e saj në shoqërinë e njerëzve të afërt, duke hapur një shampanjë, teksa në sfond dëgjohej muzika.
Mirëpo, ditën e sotme Era është kthyer në shtëpi, pas udhëtimit misterioz, dhe familjarët e saj e kanë pritur me një super party të menduar në detaje.
Këngëtarja ka ndarë video e foto në Instastory ku bien në sy tullumbacat që ndodhen kudo në shtëpi, torta e ditëlindjes, një super dhuratë për Erën dhe mbi të gjitha Rene, e cila ka uruar tezen në një mënyrë origjinale, sikundër mund ta shihni më poshtë.
Festa duket se do zgjasë deri vonë dhe duhet ta themi se ditëlindjet maratonë gjithmonë janë të paharrueshme!
Dy ditë më parë, Era ka publikuar pamje nga një studio muzikore, duke na bërë tepër kuriozë të mësojmë më shumë për projektin që na pret.
Era s’ka treguar asnjë detaj, ndërsa ne po vrasim mendjen nëse kënga e re do të jetë solo apo bashkëpunim.
Me siguri për shkak të xhirimeve, këngëtarja ndryshoi gjithashtu look, duke u kthyer në bjonde pasi hoqi dorë nga flokët në ngjyrë të kuqe.
