Më 26 nëntor vendi ynë u godit nga një tërmet i fortë me veti shkatërruese.
Tërmeti u mori jetën 51 persona, mes tyre të rinj, të moshuar madje goditja e fortë nuk kurseu as foshnjat.
Dëmet materiale ishin të mëdha dhe zona më e prekur ishte Thumana.
Tashmë në këtë vend çdo gjë është e zbehtë, ka banesa të braktisura dhe kujtime të mbetura nën rrënoja.
”Report Tv” sjell planet me dron nga këto momente dhe atë se çfarë ka mbetur në Thumanë ku u shuan disa familje.
Përveç tre pallateve që u rrënuan, IKMT do të shembë edhe një pallat të katërt i cili ka pësuar dëme në pjesën e kateve të sipërme të tij, ku është shkëputur një pjesë e madhe në katin e fundit.
Pallati është identifikuar si i pabanueshëm dhe me rrezik për godinat përreth, arsye për të cilën do të shembet.
