Kourtney Kardashian dhe Travis Barker po përgatiten tashmë për dasmën e tyre super private në një kështjellë italiane.
Raportohet se dyshja do të zhvillojë festimet e tyre në Portofino, shkruan TMZ.
Ceremonia e tyre do të jetë super private, ku të ftuarit e vetëm do të jenë familjarët e dyshes dhe miqtë e tyre.
TMZ shkruan se të pranishëm do të jenë fëmijët e Kourtney, motrat, nëna e saj dhe Corey Gamble, si dhe disa miq të ngushtë. Scott Disick, ish-i i Kourtney-t, nuk do të jetë i ftuar. Nga ana e Travis, ai do të ketë fëmijët e tij dhe disa miq të ngushtë, duke përfshirë shokët e bandës.
Sa i përket vendit ku do të zhvillohet ceremonia është pikërisht kjo kështjellë e mrekullueshme që quhet “Castello Brown”.
I gjithë festimi do të zgjasë mbi 4 ditë.
Castello Brown ka një histori të jashtëzakonshme, që daton që nga koha romake kur u ndërtua për t’u përdorur si një mbrojtje ushtarake -dhe u përdorur në betejat ushtarake nga shekujt 13-19.
Kujtojmë që ylli televiziv dhe bateristi u martuan ligjërisht në Santa Barbara, ku të pranishëm ishin disa miq dhe anëtarë të familjes.
“Ata duhej të martoheshin ligjërisht përpara dasmës së tyre të madhe, e cila do të ndodhë shumë shpejt”, tha më herët një burim për “PEOPLE”.
