Është rikthyer sërish problematika e përmbytjes së Parkut Rinia, pas reshjeve të shiut që përfshinë kryeqytetin këtë të mërkurë.
Plot 1 miliard lekë investim nga Bashkia e Tiranës duket se ka shkuar dëm pasi hapësirat mes kodrave të krijuara në këtë park janë kthyer në pellgje të mbushura me ujë.
Kjo pamje e trishtë pritet të shihet sa herë që do të bjerë shi në Tiranë dhe është për të ardhur keq pasi nuk ka kaluar as një muaj që kur parku u inaugurua më 1 qershor për festën e fëmijëve.
Një vit më parë bashkia hapi tenderin me objekt “Rehabilitimin e parkut Rinia” me vlerë 78.705.775 lekë pa TVSH. Me gjithë vlerën e TVSH ky prokurim i fituar nga kompania Agikons arrin vlerën e 1 miliard lekëve.
