Këngëtarja Fjolla Morina duket se është mërzitur nga flokët e zinj me të cilët jemi mësuar ta shohim shpesh dhe ka vendosur të ndryshojë ngjyrën e tyre.
Me ardhjen e vjeshtës, ajo nisi të çelë nuancën e flokëve dhe sa hap e mbyll sytë, u kthye në bjonde platin!
Mbrëmjen e sotme, ajo ka habitur ndjekësit me fotot e fundit në InstaStory, ku thuajse nuk njihet me pamjen e re.
Jo vetëm bjonde platin, por ajo ka vendosur edhe lente ngjyrë blu dhe për pak nuk e besuam që ishte Fjolla.
Disa sitë më parë, Fjolla i tha “PO” partnerit të saj Fisnik Syla, me të cilin do të kurorëzojë shumë shpejt dashurinë me martesë.
“Panorama” ka zbuluar detaje nga planet e dasmës së çiftit, e cila pritet të përfshijë 300 të ftuar.
Mes tyre do të jenë edhe personazhe të shumtë VIP, politikanë, biznesmenë e këngëtarë.
Bëhet e ditur se ceremonia e dasmës së çiftit do të mbahet në Prishtinë, mirëpo ende nuk ka një datë dhe vend të saktë.
Mbetet të presim për të tjera detaje.
Disa ditë më parë përfundoi hetimi për këngëtaren, ndërsa “Dosja.al” bën me dije se dosja për të do të kalojë në gjykim pas mbledhjes të së gjitha provave. Ndërsa sa i përket dy personave të tjerë që ndodheshin në makinë me të, bisnesmenit Fisnik Syla dhe shoferit Fitim Muji, Prokuroria ka vendosur që të pushojë çështjen pasi nuk ka gjetur vepër penale të kryer nga ta.
Këngëtarja u arrestua më 18 shtator në pikën kufitare të Morinës, pasi u kap me dy armë me vete. Kujtojmë që këngëtarja po udhëtonte me një makinë tip ‘Audi’ ndërsa i është gjetur një armë në çantë dhe një në bagazh.
