Aktorja e famshme, Pamela Anderson ka shitur rezidencën e saj në Los Angeles.
Mediat e huaja raportojnë se ylli kërkonte 14.9 milionë dollarë për shtëpinë përrallore me katër dhoma gjumi.
Shtëpia që së shpejti nuk do të jetë e Pamelës është 5,500 metra katrorë, me pishinë, sauna, oborr, mure qelqi dhe shumë të tjera.
Momentalisht, aktorja po jeton në vendin ku është rritur, në Vancouver.
Aktorja e “Baywatch” kurorëzoi para pak muajsh dashurinë me ish-truprojën, Dan Hayhurst, natën e Krishtlindjeve, ku sipas “DailyMail”, e gjitha ndodhi në një ceremoni intime në shtëpinë e saj kanadeze.
“Jam ekzaktësisht aty ku kisha nevojë të isha, në krahët e një burri që më dashuron vërtet”, mësohet të ketë thënë Pamela për Hayhurst-in, me të cilin u dashurua gjatë karantinës.
Ajo ka sqaruar se ceremonia martesore u zhvillua në shtëpinë të cilën ajo ua bleu gjyshërve 25 vite më patë.
“Këtu u martuan prindërit e mi dhe janë ende bashkë”, u shpreh Anderson.
Anderson gjithashtu ka qenë e martuar me Tommy Lee-n, Kid Rock-in dhe me Rick Salomon-in, dy herë. Ndërkohë, vitin e shkuar, ajo dhe Jon Peters i dhanë fund historisë së dashurisë, një ndarje që u shoqërua me lajmin se dyshja ishte martuar më herët. Nga ana e saj, Pamela tha se nuk ishte martuar kurrë me Peters-in, duke e krahasuar romancën e tyre të shkurtër me “vetëm një drekë të çuditshme”.
