Letra e parë e hapur nga Pamela Anderson dërguar Kim Kardashian ishte në shtator të këtij viti, kushtuar një prej veshjeve më të dashura të kësaj të fundit: Pelushit.
Tashmë aktorja që ka luajtur “Baywatch”, i dërgoi një pelush imitim.
Ajo është një aktiviste për mbrojtjen e të drejtave të kafshëve dhe njihet si vegjetariane. Pamela duket se është e vendosur që ta bindë 36-vjeçaren Kim që të heqë dorë nga veshjet me lëkurë kafshe njëherë e përgjithmonë, vitin e ardhshëm.
“E dashur Kim,
Të uroj pushime të këndshme nga Franca! Në këtë atmosferë festash, të lutem pranoje këtë peliçe të bërë enkas për ty, nga partnerët e mi në “Only Me Eco Fur” ne Rusi. Teksa po presim vendime të reja nga Viti i Ri, a nuk do të ishte më mirë të filloje që tani dhe të ndaloje së veshuri peliçe origjinale?
“Vogue Paris” para pak kohësh vuri në kopertinë Gisele Bundchen për trajtimin e problemit të këtyre peliçeve dhe për këtë modelja tha: “Sa mirë që “Vogue Paris” ia dedikoi këtë numër mbrojtjes së kafshëve dhe që përcolli një mesazh të fortë, që veshja e lëkurës së këtyre gjallesave nuk është kurrë një opsion!”
Gjithashtu, “Gucci” deklaroi, jo më larg se këtë vjeshtë, që do të ndalojë së përdoruri lëkurën e kafshëve për veshje dhe kësaj nisme i është bashkuar edhe “Giorgo Armani”, “Ralph Lauren”, “BCBG Max Arris”, “Calvin Klein”, e të tjera firma që kanë dalë haptazi tashmë kundër kësaj teme.
Kim, jam e sigurt që fansat e tu do të të admirojnë më shumë ty dhe firmën tënde nëse do të ndalësh së përdori këto peliçe.
Shpresoj që ti dhe familja jote të kaloni pushime sa më të këndshme.
Urime të përzemërta,
Pamela Anderson”.
Tani presim reagimin e Kim Kardashian: A do t’i rezistojë ajo veshjes së peliçeve?
Burimi: Daily Mail
