Mbyllja e spektaklit “Grande Fratello VIP” në Itali ka qenë thjesht spektakolare. Momenti i fundit i shpalljes së fituesit, Daniele Bossari, ka qenë më pikanti, pasi moderatorja Ilary Blasi, ka puthur në buzë finalistin.
Daniele Bossari dhe Luca Onestini ishin dy finalistët e fundit të cilët fikën edhe dritat e shtëpisë ku qëndruan për gati 90 ditë. Ata më vonë u nisën për në studio ku do të jepej edhe vendimi për fituesin.
Pasi i mbajti për një kohë të gjatë në suspancë, moderatorja iu hodh në krahë finalistit dhe e puthi për t’i dhënë kështu lajmin e fitores. Ai përveç faktit që u gëzua dhe emocionua sepse triumfoi, duket se i pëlqeu edhe puthja e Ilary-t duke qenë se nuk e lëshonte nga krahët.
Nuk e dimë se si ka reaguar Francesco Totti, bashkëshorti i Ilary-t në ato momente, por një gjë është e sigurt, spektakli bëri vërtet shumë bujë. A do ta bënte Arbana një gjë të tillë?
