Duka dhe Dukesha e Sussex, do të kthehen në Pallatin Mbretëror për të marrë pjesë në ceremoninë që do të organizohet për përvjetorin e Mbretëreshës Elizabeth.
Mbretëresha do të festojë përvjetorin e saj si monarke e Mbretërisë prej 70 vitesh.
Megjithëse kanë hequr dorë nga titujt mbretërorë dhe janë larguar nga Pallati, Harry dhe Meghan do të rikthehen me dëshirë për këtë ceremoni.
Por ardhja e tyre ka nisur të shqetësojë Pallatin Mbretëror, pasi ata duan që vëmendja të jetë e gjitha tek mbretëresha dhe jo tek çifti i larguar, që është komentuar gjatë në media.
Madje, ata do të bëhen prindër për herë të dytë dhe të gjithë po presin të shohin Meghan me barkun e rrumbullakosur.
“Ky është një festim për 70-vjetorin e Mbretëreshës në krye të vendit dhe nuk duhet ta ketë vëmendjen dikush tjetër. Prandaj janë shumë pyetje nëse Harry dhe Meghan duhet të marrin pjesë”- tregoi burimi.
Meghan dhe Harry e njoftuan lajmin e tyre të shtatzënisë përmes një fotografie bardhë e zi, ku Meghan shfaqet e shtrirë në prehrin e Harry-t. Dukesha e Sussex-it mbante veshur një fustan nga Carolina Herrera.
View this post on Instagram
Shtatzënia ka nisur ta ndryshojë Dukeshën, e cila është shfaqur për herë të parë në publik pas këtyre lajmeve.
Ata mbajtën një fjalim të shkurtër në një video për ‘Spotify’ që promovon podcast-in e tyre “Archewell Audio” dhe të gjithë sytë ishin tek Meghan.
Ajo është fryrë në fytyrë dhe ka shtuar disa kilogramë, teksa dukej e lumtur krah bashkëshortit të saj.
Meghan dhe Harry do të bëhen sërish prindër në fund të pranverës.
