Kryeministri Edi Rama ka zbuluar për herë të parë edhe shpërblimin që do të marrin pensionistët për festat e fundvitit.
Përmes një statusi në rrjetin social Twitter, Rama shkruan se qeveria ka vendosur që “pakoja” e Vitit të Ri për qytetarët pensionistë do të jetë 50 dollarë.
Kryeministri e ka vënë theksin edhe te nisma më e re që do të nisë aplikimin nga 1 janari i vitit të ardhshëm, e ashtuquajtura çek i bebeve, që tashmë nuk do të jetë më 5.000 lekë për fëmijë, por 400 dollarë për fëmijën e parë të një çifti, 800 dollarë për të dytin dhe 1.200 dollarë për të tretin.
“Ka ende shumë nevoja e shumë më tepër duhet bërë për më të moshuarit e fëmijët, por çka po bëjmë tani, 5 vite më parë as mendoheshin”, shkruan kreu i qeverisë.
Qeveria vendosi për pakon e Vitit të Ri për pensionistët (50USD)?dhe çekun e bebeve të 2019 (400USD fëmija i parë – 800 i dyti – 1200 i treti)?Ka ende shumë nevoja e shumë më tepër duhet akoma për më të moshuarit e fëmijët, por çka po bëjmë 5 vjet më parë as mendoheshin?
— Edi Rama (@ediramaal) December 12, 2018
