Mbrëmjen e kaluar, aktorja e njohur Jonida Vokshi ishte e pranishme në festivalin dedikuar filmit në Kosovë, të quajtur “Prifest”.Ajo kishte veshur një fustan të zi të gjatë e të derdhur, të mbyllur tek pjesa e dekoltesë, ndërsa flokët kishte vendosur t’i mbante bisht.
Megjithëse me një look të thjeshtë, Jonida shkëlqeu me pamjen e saj. Ajo u shoqërua në skenë nga kolegu i saj Eki Durmishi dhe të dy tërhoqën vëmendjen e publikut me prezencën e tyre në skenë.
Festivali i filmit “Prifest” i dedikohet kinematografisë shqiptare dhe do të mbahet në Prishtinë deri më datën 21 korrik.
Kujtojmë se në maj të këtij viti, Jonida Vokshi prezantoi për herë të parë për publikun djalin që i ka rrëmbyer zemrën. Ai quhet Besnik Krapi dhe shumë shpejt çifti pritet të kurorëzojë dashurinë me martesë.
