Vetëm pak ditë më parë, çifti i famshëm shqiptar Bes Kallaku-Xhensila Myrtezaj u bekuan me ardhjen në jetë të fëmijës së tyre të parë, vogëlushes së pagëzuar me emrin e veçantë Ajka.
Dhe ashtu siç pritej, që prej lindjes së vajzës ata janë treguar tejet të rezervuar mbi detajet në lidhje me të, por një gjë duket se Besi nuk e ka fshehur dot: Që ardhja e saj në jetë duket se ia ka shtuar edhe më shumë dashurinë për bashkëshorten e tij, Xhensilën.
Mbrëmjen e djeshme, aktori i famshëm i humorit ka treguar anën e tij romantike duke i kushtuar disa fjalë të ëmbla këngëtares në një postim në Insta Story.
“I bekum me ty, i dashurum me ty, jam me fat. Më e bukura. Përveçse je Skifterja e zemrës, je kasaforta më e vlefshme, më ke sjellë Ajkën e jetës!”-ka shkruar Besi në postimin që me siguri do ta ketë emocionuar tej mas Xhensilën.
