Sara Carbonero, bashkëshortja e Iker Casillas, pranoi publikisht se vuan nga kanceri në mitër.
Tre javë pasi legjenda e Spanjës pësoi një atak kardiak, Sara foli hapur në rrjetet sociale, për lajmin aspak të mirë që i kanë dhënë mjekët, shumë pak kohë pas tronditjes nga i shoqi.
“Akoma pa e marrë veten nga njëri shok, jeta na surprizoi prapë. Këtë herë, isha unë, me atë fjalë me 6 gërma që akoma mezi e shkruaj.”, shprehet Sara në letrën e hapur drejtuar fansave.
“Pak ditë më parë gjatë një kontrolli rutinë, doktorët përshkruan një tumor malinj në mitër dhe unë u operova.”
“Gjithçka shkoi mirë dhe për fat ne e kapëm në kohë, por më ka mbetur të luftoj edhe për ca muaj, ndërsa marr trajtimin përkatës.”
“Jam e qetë dhe plot besim se gjithçka do të shkojë mirë. E di që do të jetë rrugë e vështirë, por me fund të lumtur.”
Sara Carbonero dhe Iker Casillas kanë dy djem.
Në 1 maj, gazetarja e sportit po xhironte në Tarifa të Spanjës, kur ish- portierit të Real Madrid-it i ra atak kardiak.
Më pas, ai njoftoi se gjithçka kaloi.
