Disa ditë më parë, këngëtarja Enca Haxhia humbi personin e saj të dashur.
Burime për “Iconstyle.al” bënë me dije ndarjen e parakohshme nga jeta të të atit të saj, Sokol Haxhia, pas një sëmundjeje të rëndë nga e cila vuante prej kohësh.
Humbja e tij ishte një moment shumë i vështirë për këngëtaren, e cila i falenderoi të gjithë ata që e mbështetën këtë periudhë.
Për disa ditë, ajo nuk publikoi në rrjetet sociale foto të saj dhe sot është rikthyer për të dhënë një mesazh të fortë.
Ajo ka publikuar në Instagram një foto ku shfaqet në një ballkon dhe në të shkruan: “Çdokush po kalon një betejë për të cilën ti nuk di asgjë, kështu që ji i sjellshëm”.
Pak kohë më parë, Enca tha se do të publikojë çdo muaj nga një këngë të re, megjithatë nuk dihet nëse humbja e të atit ka ndikuar në karrierën e saj.
