Italia po kalon momente dramatike për shkak të koronavirusit.
Në shtetin tonë fqinj numri i viktimave ka shkuar në rreth 3500 të vdekur, ndërsa janë regjistruar mbi 40 mijë raste.
Përtej humbjeve në njerëz Italia po përballet me mungesën e doktorëve dhe pajisjeve mjekësore.
“Daily Mail” së fundmi ka publikuar pamje brenda reanimacionit të spitalit në Bergamo.
Situata është mjaft e vështirë dhe pamjet janë tepër të rënda.
Pacientët mezi marrin frymë brenda aparaturave, ndërsa mjekët vrapojnë për t’i dhënë të gjithëve ndihmën e nevojshme.
Situata që prej fundit të shkurtit nuk ka asnjë përmirësim në Itali, teksa numri i të prekurve nuk është ulur ende.
Ekspertët kanë paralajmëruar se nëse deri të dielën shifrat nuk ulen, qeveria duhet që të ashpërsojë masat e sigurisë për të frenuar përhapjen e këtij virusi të rrezikshëm, teksa të këtij mendimi janë edhe ekipet kineze të ardhura në ndihmë të popullit italian kanë thënë se Italia duhet të marrë masa më të rrepta për të luftuar Coronavirusin se ndryshe nuk e përballojnë dot.
Qeveria italiane ka ndërmarrë një sërë masash për të ulur pasojat ekonomike nga koronavirusi.
Kryeministri Giuseppe Conte, ka miratuar dekretin ‘Cura Italia’ për emergjencën e Coronavirusit, duke ofruar 25 miliardë euro për familjet dhe bizneset.
/GazetaReforma.com
