Lajmi i ndarjes së tyre shokoi të gjithë fansat e çiftit. Javën e kaluar aktorët Channing Tatum dhe Jenna Dewan shkruan se, kanë vendosur që të vazhdojnë jetën e tyre jo më si çift.
Pavarësisht se nuk bënë publike arsyen, mediat e huaja shkruan se ishte suksesi i Channing Tatum, i cili duket sikur ka lënë në hije famën e aktores.
Megjithëse ajo është një aktore e talentuar, të qenit nënë nuk e ka lejuar të angazhohet me role të mëdha filmike.
Ajo është fotografuar ditën e djeshme teksa dilte e vetme nga palestra. Jenna dukej e sfilitur dhe në një gjendje jo të mirë psikologjike, por mbi të gjitha pa unazën e saj të martesës. Ajo është parë duke pushuar disa minuta në makinën e saj, para se të nisej.
Sa i përket marrëdhënies së saj me Channing Tatum, procesi i tyre i divorcit ende nuk dihet se kur do të nisë.
Burimi: Daily Mail
