Klea Huta u bekua 6 muaj më parë me një djalë, të cilin e pagëzoi me emrin Krid. Moderatorja ndan shpesh në rrjete sociale momente të ndryshme nga dita e saj me të voglin dhe nuk mungojnë as dedikimet plot dashuri. Sigurisht që jeta e saj e re si nënë nuk është aq perfekte sa duket në rrjete sociale, mirëpo duket se ajo është gati që shtëpinë e saj me Elgitin ta mbushë plot me fëmijë.
Ajo ka rrëfyer sot në emisionin “E Diell” se në fillim nuk dëshironte të kishte fëmijë të tjerë, ndërsa tani që shikon Krid dëshiron që të ketë sa më shumë. Klea tregoi se pas lindjes së djalit në fillim ishte shumë në panik nëse do ja dilte mban si nënë.
Ndër të tjera moderatorja rrëfeu se si ishin ditët e para pasi solli në jetë të voglin. Ajo tregoi se nëna e saj dhe vjehrra besojnë në bestytni dhe pas lindjes nuk e lejonin të dilte nga shtëpia.
“Më shumë besojnë mami dhe vjehrra. Më thoshin mos dil je lehonë, u errësua futu në shtëpi. Unë sigurisht që nuk futesha. Kridit i djeg mami ndonjë çik kripë ndonjëherë, kur mendon se e kanë marrë mësysh”, tha Huta.
Klea tregoi se si ajo dhe Elgiti janë të mendimit që të kenë një familje të madhe, duke pasur parasysh faktin që një fëmijë të mbush me dashuri e të rrit në përgjegjësi.
