“Mëmësia është ndjesia më magjike e një femre, ndjesi që shkon në harmoni me frikën se nga çasti në çast fëmijës mund t’i ndodhë ndonjë gjë e keqe…”.
Kështu ka thënë dikur ish-Miss Shqipëria. Dhe në fakt Valbona Selimllari ia ka dalë të bëhet një nënë shembull. Bukuroshja e ekranit shqiptar është shoqëruar nga dy djemtë e saj, në një event të mbajtur në një nga restorantet në Tiranë.
Dy çunat tashmë të rritur, qëndronin pranë nënës së tyre si rrallëherë në një dalje publike të këtij lloji.
Djemtë prej kohësh merren me sport, përveҫ shkollës, ndërsa Deni, i madhi, ka studiuar edhe piano, si dikur e ëma. Valbona është kujdesur për dëshirat dhe pasionet e tyre. Për të madhin, ajo është shprehur në një intervistë të para dy viteve, se do të donte të bëhej arkitekt, sepse e sheh që aty ka shumë prirje:
“Deni është shumë i prirur për t’u bërë arkitekt. E shoh edhe në shtëpi kur zakonisht jep mendime dhe opinione. Dhe më pëlqejnë mendimet e tij…. Do të doja t’i shihja fëmijët edhe pjesë e artit, por nuk dua t’u imponohem”.
Valbona është mjaft e kujdesshme kur është fjala te privatësia e fëmijëve të saj, ndaj dalje të tilla janë të rrala dhe numërohet me gishtat e njërës dorë.
