Para pak ditësh, presidenti Joe Biden pati takimin e tij të parë personal me kryeministrin Boris Johnson. Por, të gjithë vëmendjen e mori veshja e Zonjës së Parë, Jill Biden. Në pjesën mbrapa të xhaketës së saj të zezë shkruhej me gurë “LOVE” (dashuri).
Ky shkrim u ka kujtuar njerëzve xhaketën famëkeqe, me një mesazh totalisht të ndryshëm nga ky, që ish-Zonja e Parë Melania Trump veshi në vitin 2018 kur vizitoi në Teksas një qendër me fëmijë emigrantë. Në pjesën e pasme të xhaketës së saj shkruhej:
“Me të vërtetë nuk më intereson, po ju?”
Xhaketa e Jill Biden po bën xhiron e rrjetit dhe po interpretohet si një kundërpërgjigje për ish-Zonjën e Parë. Kur u pyet nga gazetarët, Jill nuk foli drejtpërdrejt për ngjashmërinë me veshjen e Trump, por tha:
“Oh, dashuri? Unë mendoj se ne po sjellim dashuri nga Amerika. Kjo është një konferencë globale dhe ne po përpiqemi të sjellim unitet në të gjithë globin. Dhe mendoj se është e nevojshme tani, që njerëzit të kenë një ndjenjë uniteti nga të gjitha vendet dhe një ndjenjë shprese pas këtij viti pandemi.”
Kujtojmë se askohohe xhaketa e Melania-s, e cila u përfol gjatë (për keq) dhe bëri shumë bujë në media.
