Kështu është folur lart e poshtë prej kohësh për një prej ish-konkurrentëve të emisionit “Për’puthen”, Bledi Beqirin.
Kjo për shkak të fotove të shumta që Bledi publikonte në rrjetet e tij sociale, ku shfaqej me një fëmijë të vogël.
Mirëpo, i ftuar në emisionin “ExPuls” me Ronaldo Sharkën, ai ka rrëfyer njëherë e mirë të vërtetën e tij.
“Jo jo. Nuk kam qenë as i fejuar as i martuar as i divorcuar as me fëmijë. Postoj shpesh një vajzë të vogël në Instagram por ajo është mbesa ime”- ka treguar Bledi.
Ai gjithashtu ka folur për situata të ndryshme në emision, si dhe për zhgënjimin e tij nga autorja e emisionit, Olsa Muhameti.
“Pas largimit nuk kemi pasur ndonjë kontakt, por e vetmja arsye që jam i prekur sepse unë gjithsesi kam respekt, është një vajzë shumë e zonja për veten e vet… Ua kam shprehur të gjitha gjërat çfarë kam pasur, ua kam treguar pikat përse kam dalë, diçka që është dashur të më kuptojë. I thashë që të mos dal unë keq, produksioni keq, të vij si njeri para publikut, të sqaroj të them çfarë kam edhe të lëviz. Një gjë e tillë mua nuk mu lejua, nuk e di përse. Direkt u shkëputën kontaktet aty për aty. I uroj të gjitha të mirat edhe atyre, nuk i shaj dot.”
