Prej muajsh mediat kanë aluduar se futbollisti i njohur me origjinë shqiptare Xherdan Shaqiri dhe këngëtarja e njohur Dhurata Ahmetaj janë në një lidhje prej mëse 1 viti.
Dyshimet janë krijuar fillimisht prej udhëtimeve të shpeshta të këngëtares drejt Londrës, ku jeton futbollisti i njohur, teksa disa muaj më parë Prive.al raportoi se burime të sigurta i kanë konfirmuar se çifti po jeton një romancë të lumtur.
Ky lajm aso kohe tërhoqi edhe vëmendjen e “The Sun” që i dedikoi një artikull lidhjes së dy shqiptarëve, që kanë aritur ta mbanin sekret prej një kohe të konsiderueshme.
Madje disa ditë më parë qarkulloi lajmi se dyshja kanë nisur pushimet dhe po shijojnë disa ditë së bashku, larg të tjerëve.
Mirëpo, sot lart e poshtë po thuhet se ata i kanë dhënë fund lidhjes së tyre. “Panorama Plus” shkruan se teksa këngëtarja ndodhet me pushime, ylli i Liverpool ndodhet ende në Angli dhe vetëm pak ditë më parë festoi titullin kampion.
Po ashtu, më parë këngëtarja udhëtonte shumë shpesh drejt Londrës dhe publikonte foto në vende të njëjta me Shaqirin, por së fundmi nuk është parë më në “Merseyside” dhe kjo ka ngjallur interesin e mediave për të parë se ç’ndodh mes çifitit.
Media të ndryshme shkruajnë edhe se ata nuk ndihen më në Instagram, por ne na rezulton e kundërta.
Kujtojmë se ata nuk kanë reaguar kurrë rreth lajmeve për romancën e tyre dhe nuk mund të themi me siguri se çfarë ka ndodhur.
Dhurata prej kohësh nuk ka qenë aktive në tregun muzikor dhe disa muaj më parë u raportua se është tërhequr për një pushim të gjatë, teksa është tejet aktive në rrjetet sociale.
Kurse Xherdani vijon të shkëlqejë te Liverpool.
https://www.instagram.com/p/CC4I-mehul5/?utm_source=ig_web_copy_link
https://www.instagram.com/p/CCl24-CBcq4/?utm_source=ig_embed
