Ronaldo Sharka zbuloi këtë mëngjes në “Wake Up” në Top Channel emrin e opinionistes së dytë të programit të tij të ri, “Pa filtra”. Veç Erjola Doçit, panelit do t’i bashkohet një tjetër emër që e nisi karrierën në këtë televizion. Ronaldo ka konfirmuar dyshimet e ndjekësve për emrin që është lakuar aq shumë:
‘Opinionistja e dytë, rikthehet në ‘E Diell’, aty ku e nisi, Shqipe Hysenaj’
Në rrjetet sociale, gjatë një interviste virtuale me ndjekësit, Ronaldo ndau një foto me Shqipen. Edhe në program, siç kishte postuar në Instagram, ai theksoi se do të jenë 4 opinionistë.
Ai nuk zbuloi emrat e tjerë, por emri i Ilnisa Agollit është po ashtu një prej të lakuarve. Gjithsesi, mbetet të presim për të zbuluar të gjithë panelin.
