Ajo po shijon të bërit nënë për herë të dytë, pas lindjes së djalit të saj Miles Theodore Stephens.
Chrissy Teigen, bashkëshortja e këngëtarit John Legend ka guxuar të postojë një foto ku duket me të porsalindurin në krahë dhe njëkohësisht tregon realitetin e ashpër që po kalon me trupin e saj pas lindjes.
Në foto ajo duket se ndodhet në ambientet e kuzhinës, por bie në sy veshja mjekësore që ajo mban në bark pas daljes nga spitali.
Ndërkohë në sfond duket edhe vajza e saj e parë, Luna e cila duket teksa luan në shtëpi.
Chrissy gjithashtu mbante në dorë një dardhë të mbështjellë me rrjetë , e cila i referohet shakasë së Ali Wong për amësinë, komediania e cila krahason të brendshmet e saj me rrjetat e paketimit të frutave.
“Nëse nuk e keni parë specialen e re të Ali Wong në Netflix, ju i merrni keq informacionet për specialitetet e Netflix”- shkruante ajo me shaka.
