Pak kush do të besonte se një showgirl si Kim Kardashian do të besonte verbërisht te besëtytnitë.
Në një intervistë të fundit për “CR Fashion Book”, ajo ka rrëfyer një tjetër anë të saj, që kur ta mësoni do t’ju duket disi e dëgjuar.
Kim Kardashian nuk hipën në avion pa hedhur këmbën e djathtë para, ashtu siç bëjmë ne shqiptarët kur hyjmë në një shtëpi të re apo shkojmë në një vend për herë të parë, për të pasur mbarësi.
“Unë dhe familja ime gjithnjë hipim në avion me këmbën e djathtë. Nuk e kam thënë kurrë më parë këtë gjë, asnjë nuk e di”.
Ajo gjithashtu tha se beson që babai i saj i ndjerë dhe nëna e bashkëshortit Kanye West kujdesen për ta dhe i vizitojnë në formën e dy korbave që qëndrojnë gjithnjë përballë shtëpisë.
