Sean “Diddy” Combs ka folur hapur pas vdekjes së papritur të ish-të dashurës së tij, Kim Porter.
Këngëtari i njohur ka pozuar me gjashtë fëmijët e tij në kopertinën e revistës “Essence” të muajit maj, ku ka folur për amanetin e fundit që i la Kim para se të vdiste nga pneumonia.
Porter ishte nëna e tre fëmijëve me Diddy-n, Christian-it 21-vjeçar dhe vajzave binjake 12-vjeçare Jesse dhe D’Lila.
Diddy tha për revistën se ai ka mësuar të jetë një baba më i vëmendshëm pas hubjes së Kim.
“Para kësaj, unë isha një baba me kohë të pjesshme, e dini? Familja ime gjithmonë ishte e para, por ka raste të panumërta kur zgjidhja punën mbi çdo gjë tjetër”, tha ai.
“Por çdo ditë unë dëgjoj teksa ajo të më thotë të shkoj dhe të kaloj ca kohë me fëmijët dhe të sigurohem që të gjithë janë mirë, ashtu siç do ta bënte ajo”.
“Unë jam shumë më i pranishëm dhe më e rëndësishmja, tani fëmijët e mi vijnë para çdo gjëje tjetër në jetën time”.
Tre ditë para se të vdiste, sipas Combs, ajo ishte e sëmurë me grip dhe i dërgoi fëmijët në shtëpinë e tij që të mos sëmureshin.
Ai kujtoi një natë, kur shkoi për ta vizituar, se Kim i kishte thënë: “Puffy, kujdesu për fëmijët e mi”.
“Çdo herë që Kim dhe unë bisedonim ishte për fëmijët”, tha Combs. “Ishte ajo që ajo kujdesej më shumë”.
