Pas ndarjes nga Katy Perry, Orlando Bloom ka filluar një lidhje të re vetëm katër muaj pas përfundimit të marrëdhënies me këngëtaren. Sipas burimeve të afërta me aktorin, ai është parë duke kaluar kohë me një grua brune në një bar kokteji në Chelsea. Një burim i tha për The Sun: “Orlando dhe Katy u ndanë miqësisht dhe ata dëshirojnë vetëm më të mirën për njëri-tjetrin. Ai është duke e mbajtur lidhjen sekrete, por po takohet sërish dhe po kalon kohë të bukur.”
Kohët e fundit, Orlando ka dalë disa herë në Chelsea, duke u parë gjithashtu duke u argëtuar dhe duke shijuar jetën e tij pas ndarjes. Ndërkohë, Katy Perry gjithashtu ka qenë në qendër të vëmendjes, pasi thuhet se është në një lidhje me ish-kryeministrin kanadez, Justin Trudeau. Foto të fundit tregojnë çiftin duke u puthur dhe përqafuar në jahtin e Katy Perry pranë Santa Barbarës, një skenë që i dha fund thashethemeve për një lidhje mes tyre.
Lidhja mes Katy dhe Justin ka ngjallur kureshtje, duke filluar që nga një darkë në Montreal, muajin e kaluar.
Orlando dhe Katy u takuan për herë të parë në vitin 2016, u ndanë në 2017 dhe ribashkuan në 2018. Ata u fejuan në shkurt të vitit 2019 dhe u bënë prindër të vajzës Daisy në gusht të 2020. Dasma e tyre, e planifikuar për vitin 2020, u shty për shkak të pandemisë.
