Noizy prej disa kohësh përflitet se është i lidhur me një vajzë të njohur me emrin Naomi, por asnjëri prej tyre nuk e ka pranuar publikisht. Para disa kohësh Noizy postoi në “Instagram” një foto së bashku me Naomin, të cilën e shoqëronte me një zemër. Pikërisht kjo foto u duk sikur konfirmoi lidhjen e tyre.
Naomi është edhe anëtare e grupit OTR dhe punon në studion muzikore që grupi ka në Zvicër. Vetëm dy ditë më parë ajo publikoi edhe videon prezantuese të klipit të saj të parë “Henny”. Në këtë publikim ajo nuk harron të falënderojë edhe Noizy-n dhe grupin OTR për mbështetjen që i kanë dhënë.
Përveç prezantimit të këngës së saj të parë, Naomi na ka premtuar se së shpejti do të hedh në treg edhe disa këngë të reja me grupin. Kjo deklaratë ka ngjallur reagimet e shumta të ndjekëse të cilët janë konfuzuar për faktin se kush është mbretëresha e vërtetë e OTR, Naomi apo Oriola?
Kujtojmë gjithashtu se dhe ish-modelja e “Icon Agency”, Oriola Marashi është duke përgatitur të sjellë projektin e saj të parë muzikor nën logon e OTR.
