Këtë verë kaluam një periudhë të ngjeshur me dasma. Tre çifte të njohur për shqiptarët, Turjan Hyska dhe Orinda Huta; Bes Kallaku dhe Xhensila Myrtezaj si dhe Getoar Selimi me Marina Vjollcën, lidhën kurorë dhe u betuan për dashuri të përjetshme në tre ceremoni sa të veçanta ashtu edhe të bukura.
Zakonisht ashtu siç ndodh pas një dasme, të gjithë janë të interesuar të dinë se ku u mbajt ceremonia, kush ishin të ftuarit, çfarë kishte veshur çifti dhe sigurisht sa kushtoi, pyetja që bën çdo shqiptar.
“Iconstyle.al” u fokusua më tepër në veshjen e çiftit, si një portal i dhënë pas modës, ndaj edhe pas zbulimit të çmimit të këpucëve të Xhensilës dhe Marinës, nuk mund të rrimë pa sjellë edhe një detaj nga dasma e Orindës.
Për të mund të themi se ishte zyrtarisht nusja më e thjeshtë. Që nga fustani, makijazhi, flokët e deri të këpucët, çmimi i të cilave është gjashtëfish më i ulët se i Xhensilës, e cila bleu këpucët 3495 euro “Jimmy Choo”.
Në albumin e dasmës së publikuar nga fotografët Armand dhe Rosita Habazaj, vumë re se Orinda kishte veshur një palë këpucë-sandale të markës amerikane “Badgley Mischka”, që njihet për aksesorët dhe veshjet e veçantë për nuse.
Këpucët në ngjyrë floriri me gurë në pjesën e përparme kushtojnë vetëm 225 dollarë dhe madje në faqen online të markës janë me 50% ulje që shkojnë deri në 129 dollarë.
Edhe pse nuk e dimë nëse Orinda i ka përfituar me ulje, sërish çmimi i tyre fillestar është shumëfish më i ulët dhe më i përballueshëm, nga këpucët e Xhensilës (3495 euro) apo të Marinës (1495 euro).
Kjo do të thotë se një nuse nuk ka përse të shpenzojë aq shumë për të dalë bukur. Edhe nëse bëhet fjalë për një nuse “VIP” si Orinda, e cila përcolli një mesazh mjaft të qartë: Thjeshtësia është më e bukur!
Burimi: Iconstyle.al
