Një shprehje e shkëputur nga Bibla u publikua dje në Instagram nga Orinda Huta, shoqëruar me një emoji që tregon trishtim, por lehtësim njëherësh.
“Zemërohuni dhe mos mëkatoni. Dielli të mos perëndojë mbi inatin tuaj.”
Sot, drejtuesja e “Jo Vetëm Modë” e ripublikoi thënien e shkëputur nga “Efesianëve”, për të treguar ç’kishte ndodhur një ditë më parë që kjo frazë e kishte ndihmuar ta kapërcente.
Data 22 ishte për Orindën, një ditë plot zemërim dhe moderatorja e kishte gjetur veten të pushtuar nga inati, të cilin thënia biblike ia hoqi si me dorë.
Ajo rrëfeu në një story në Instagram:
“Ditën që vargu i një story më parë m’u shfaq në telefon më preku shumë. Kisha kaluar një ditë të keqe, plot zemërim. Një zemërim të cilin edhe e lejova të më kontrollonte e në fund, çfarë fitova? Trishtim, dhe duke i thënë vetes: “Pse duhet të të marrë zemërimi përpara? A ia vlen?” Zemërimi gjithmonë ka pasoja. Çfarë mund të ketë më të rëndësishme se shpirti dhe qetësia e tij?”
