Moderatorja e njohur e “Wake Up”, Ori Nebijaj për herë të parë ka folur në lidhje me marrëdhënien e saj me Renato Mekollin. Ata kanë qenë së bashku ortak biznesi, madje janë përfolur se kanë pasur edhe një lidhje dashurie mes tyre.
Ndarja e tyre normalisht që nuk mund të kalonte pa u diskutuar nga fansat në rrjetet sociale, por edhe nga mediat rozë.
Ori në një intervistë për Panorama Plus ka folur për herë të parë rreth të vërtetave për raportin me Renato Mekollin.
Moderatorja e njohur u shpreh se nuk është penduar për ortakërinë me Renaton dhe se ai si mik i saj u gjend në kohën e duhur në lidhje me idenë e biznesit. Ori tha se çdo gjë ka kohën e vet dhe se arsyet e brendshme të punës, të cilat sipas saj i kalojnë të gjithë biznesmenët, e çuan drejt largimit të saj nga biznesi.
E pyetur në lidhje me heshtjen e saj për këtë çështje Ori u shpreh se nuk i pëlqen të flas për gjërat që nuk kanë përse iu interesojnë të tjerëve.
“S’më pëlqen të flas për gjëra që në fakt të vetmit persona të interesuar, jemi ne të dy. Çfarë kam për të thënë, ja them atij dhe nëse ai ka diçka për të më thënë, mund të bëjë të njëjtën gjë. Komentet pastaj në media, janë për pak vëmendje më shumë”, u shpreh Ori.
Gjithashtu moderatorja e njohur ka hedhur poshtë edhe të gjithë zërat që flasin për një lidhje dashurie mes saj dhe Reantos.
“Besoj se të gjithë ata që më njohin e dinë shumë mirë se nuk kishte të bënte fare me një lidhje dashurie, por thjesht me partneritet dhe çështje biznesi. Unë kam një jetë krejtësisht tjetër dhe ai gjithashtu. Por besoj, fakti që media s’më ka bezdisur dhe as shqetësuar, do të thotë që nuk ngjiti kurrkund dhe u zbeh pa nisur ende si thashethem”, u shpreh moderatorja duke hedhur poshtë kështu dyshimet rreth një raporti të mundshëm të ndërprerë mes asaj dhe Renato Mekollit.
