Reperi shqiptar Noizy jo vetëm na dhuroi disa hite gjatë kësaj vere, por na prezantoi edhe me talentin e ri të Ajola Xoxës. Ajola është “truri” i dy prej projekteve të Noizy-t, ai në bashkëpunim me Alban Skënderajn ashtu si dhe me Ghalin.
Pak ditë më parë, Noizy publikoi klipin e tij më të fundit me regji të Ajola Xoxës, e cila solli reperin e famshëm në një tjetër dimension artistik, me një videoklip të denjë për të konkurruar edhe emrat më të mëdhenj të muzikës ndërkombëtare.
Ditën e sotme, Ajola ka zbuluar edhe prapaskenat e klipit ku rrëfen se është xhiruar gjatë muajit korrik. Edhe përse në pritje të ëmbël, ajo ka qëndruar në krye të detyrës deri në orët e para të mëngjesit.
“3 e mëngjesit… korrik 2018! Pas përfundimit të xhirimeve për “Parku i lojërave” me Noizy dhe Ghali” – shkruan Ajola duke e përshkruar edhe me emoji-n e një gruaje shtatzënë.
Menjëherë reperi Noizy ka vlerësuar punën e Ajolës, duke komentuar në rrjetet sociale se ajo është më e mira.
Ndonëse në tekstin e këngës”Parku i lojërave” në mënyrë të tërthortë flitet për dhunë, armë, para e të tjera tema tipike për këngët rep, në klip gjithçka është përkthyer në diçka tërësisht ndryshe e delikate, ku shihet qartë prekja e Xoxës.
