Është ndër të vetmet celebrities, që është shprehur se nuk dëshiron një fëmijë. Oprah Winfrey ka një karrierë të suksesshme si pronare e medias, drejtuese e programeve televizive, aktore, producente dhe filantrope, por nuk është penduar për asnjë ditë pse nuk ka fëmijë me partnerin e saj prej 30 vitesh, Stedman Graham. Arsyeja është se ajo nuk do të kishte aspak durim me ta.
Ylli ka themeluar “Oprah Winfrey Leadership Academy for Girls”, një konvikt në Afrikën Jugore, i hapur në 2007 dhe ku qëndrojnë rreth 172 vajza. Në një intervistë të dhënë për revistën “Good Housekeeping”, ajo është shprehur se ky projekt e bën atë të ndihet se në atë konvikt rrinë vajzat e saj.
“Më është shpërblyer më shumë sesa e kisha imagjinuar. E bëra këtë projekt për t’i ndihmuar ato, por kjo gjë solli një dritë në jetën time të cilën nuk mund ta shpjegoj”, u shpreh Oprah Winfrey.
Ajo shpjegon më tej: “Kur njerëzit me ushtronin presion për t’u martuar dhe për të bërë fëmijë, e dija që nuk do të pendohesha që nuk bëra, sepse unë jam nëna e fëmijëve të botës. Nuk ka rëndësi nga ka ardhur në jetë ky fëmijë, për mua ka qenë perfekte pasi nuk doja fëmijë. Nuk do të kisha qenë një nënë e mirë për fëmijët e mi. Nuk kam aspak durim”.
Burimi: Harper’s Bazaar
