Mbrëmjen e sotme, shtëpisë së “Big Brother VIP Albania” i janë shtuar dy vizitorë të rinj shumë të veçantë.
Dy opinionistët Balina dhe Arbri janë futur në shtëpinë më të famshme në Shqipëri si rrjedhojë e një propozimi që iu bë banorëve për të bërë vizita me miq e të afërm, në këmbim të uljes së parave në çmimin e madh.
NJOFTIMI I “VËLLAIT TË MADH”:
“Kanë mbetur edhe 9 ditë nga finalja e madhe. Këto ditë të fundit “Vëllai i Madh” ju jep mundësinë t’i kaloni sa më bukur jo vetëm me njeri-tjetrin por edhe me familjarët tuaj jashtë shtepisë së ‘Big Brother VIP’.
Kemi menduar që çdo dite të organizojmë darka në shtëpinë tuaj me miq dhe familjarë.
Por kujdes!
Për këto takime duhet të paguani me para të cilat i zbritën çmimit të madh prej 115 mijë euro.”
Teksa dy vizitorët e parë ishin opinionistët e formatit, pritet të vijnë edhe familjarët apo miqtë e konkurrentëve.
Rikujtojmë se vetëm mbrëmjen e djeshmr Balina dhe Einxhel patën një debat me njera-tjetrën.
“Nuk është e vërtetë që nuk kam thënë asnjë fjalë të mirë. Të kam cilësuar si inteligjente dhe të fortë. Të kam mbështetur edhe në debatin me Donaldin kur i thash që nuk duhet të kërkojë llogari për aleancat. Nuk të shkon imazhi i vajzës së fortë që do të transmetosh me faktin që ankohesh gjithmonë dhe do të viktimizohesh. Me ty kam vetëm një peng, që nuk të kam dhënë vëmendjen e duhur kur Iliri të tha “ordinere” dhe “të masakroj”.- ishin disa nga fjalët e Balinës
