Autoritetet dhe ekspertët gjermanë njoftuan sot se po ndalojnë përpjekjet për të shpëtuar një balenë që u gjet në brigjet e Baltikut dhe që ka të ngjarë të dështojë, një çështje që ka tërhequr të gjithë sytë në Schleswig-Holstein, Gjermani, gjatë dhjetë ditëve të fundit.
“Jemi të bindur se kafsha do të ngordhë“, tha në një konferencë për shtyp Burkard Basek, një nga ekspertët e përfshirë në përpjekjet e shpëtimit të balenës, e cila është nxjerrë në breg katër herë ditët e fundit.
Balena më e madhe, e quajtur “Timmy”, ka bredhur në cekët për rreth katër javë, sipas atyre që e kanë vëzhguar.
Rescuers are racing against time to free a whale stranded in shallow waters off the north German coast.
The 10m (33ft) humpback whale became stuck off the Timmendorfer Strand beach on the Baltic Sea coastline of the Schleswig-Holstein region.
Watch live: https://t.co/ydfA1IuMNu pic.twitter.com/IfwMCbSF3S
— Sky News (@SkyNews) March 26, 2026
Ajo mbeti e bllokuar më 23 mars dhe më pas filloi një operacion kompleks shpëtimi, në të cilin morën pjesë edhe ekskavatorë. Pasi u nxor me sukses në ujë, balena doli në tokë diku tjetër në bregdet.
Ekspertët vendosën ta linin të kthehej në det të hapur me fuqinë e saj. Megjithatë, tani është shumë e dobët dhe ritmi i frymëmarrjes së saj është bërë “shumë i çrregullt”.
“Ajo mezi reagon ndaj pranisë së njerëzve përreth saj”, shpjegoi Basek.
🇩🇪 Hope fades for humpback whale stranded on German coast
The health of a humpback whale stranded on Germany’s Baltic Sea coast is deteriorating, according to conservationists, as efforts to free the animal continue. The 10-metre long whale was first spotted stuck in shallow… pic.twitter.com/1iVo0psO3t
— AFP News Agency (@AFP) March 26, 2026
Shanset e mbijetesës së saj janë aq të pakta sa një përpjekje tjetër mund të konsiderohet “mizori ndaj kafshëve”, shtoi ai.
Ekspertët vlerësojnë se balena ka humbur aftësinë e saj për të lëvizur në ujë. Ata planifikojnë, nëse ajo vdes, ta çojnë në muzeun lokal oqeanografik për një autopsi. Mundësia e eutanazisë së saj është përjashtuar , për shkak të rrezikut për vetë kafshën dhe për njerëzit që do të përfshiheshin në një operacion të tillë.
“Lëreni këtë kafshë madhështore të qetë”, tha një ekspert nga organizata Sea Shepherd, duke këmbëngulur se nuk duhet bërë asnjë ndërhyrje në momentet e fundit të jetës së saj.
Policia ka rrethuar zonën, brenda një rrezeje prej 500 metrash rreth balenës. Operacioni, me pjesëmarrjen e zjarrfikësve, zhytësve, biologëve dhe hamallëve, po e mban pa frymë shtypin gjerman, i cili mbulon çdo minutë të tij.
