Më shumë se 200 mijë njerëz u mblodhën në sheshin “Skënderbej” për të ndjekur nga afër këngëtaren shqiptare Rita Ora.
Ajo performoi për vetëm një orë në Tiranë, por arriti të dhurojë shumë emocione. Pak para se të dilte në skenë, këngëtarja u mirëprit nga kreu i Bashkisë së Tiranës, Erion Veliaj, në zyrën e tij.
Në shenjë mirënjohjeje, Veliaj i dhuroi Rita Orës një çifteli, duke surprizuar kështu këngëtaren. Dhe nëse po mendonit se çfarë bëri Rita më çiftelinë, ajo na e thotë përmes një videoje.
Ndërkohë që ishte në aeroport për në Verona, Rita Ora shijonte tingujt e çiftelisë dhe kërcente për qejfin e saj. Ai që i binte veglës muzikore ishte i dashuri Andrew Watt, i cili me sa duket po e shoqëron këngëtaren në turneun e saj.
