Varianti “Omicron” i Covid-19 ka “tmerruar” Evropën. Shtetet po marrin masa për parandalimin e përhapjes së tij.
Holanda vendosi të rikthejë izolimin nga dita e diel, deri në datën 14 janar. Të dhënat që vijnë nga Amsterdami tregojnë se numri i rasteve me Omicron nga numri i përgjithshëm i infeksioneve dyfishohet çdo dy ose tre ditë.
Ekipi kombëtar i menaxhimit të epidemive i ka rekomanduar qeverisë masa për të frenuar përhapjen e variantit Omicron dhe qeveria qendrore ka vendosur të marrë më të ashprën: bllokim deri më 14 janar.
Në Danimarkë. Parlamenti miratoi kufizimet e shpallura nga kryeministrja Mette Frederiksen që përfshijnë mbylljen e teatrove, kinemave, sallave të koncerteve, parqeve argëtuese, muzeve dhe galerive të artit në të gjithë vendin për të frenuar përhapjen e koronavirusit.
Në Francë. Kryebashkiaku i Parisit njofto se për shkak të situatës së krijuar nuk do të mbahet ceremonia e hedhjes së fishekzjarrëve në natën e ndërrimit të viteve dhe koncertet e planifikuara në Champs Elysee.
Në Britaninë e Madhe, autoritetet po shqyrtojnë mundësinë për vendosjen e një izolimi total dyjavor pas Krishtlindjes, që do të ndalonte grumbullimet, përveçse për motive pune.
Gjermania ka futur Britaninë e Madhe në listën e vendeve me rrezikshmëri të lartë për përhapjen e koronavirusit.
