“Opinioni si presion shoqëror” ka qenë kjo tema që është diskutuar ditën e sotme në “Trotuar”. Ka qenë pikërisht kjo temë që Olti Curri dhe Antoneta të përballen në një debat të vogël.
Olti u shpreh për të se ajo nuk është si shfaqet në ekran.
“Antoneta vdes nga opinionet e publikut. Antoneta në backstage është shumë pop, e drejtpërdrejtë, përdor humorin të ngacmon. Këtu Antoneta ka një virgjërim të menjëhershëm ashtu siç e ka Madonna. Ajo bën atë që do publiku, po kështu dhe Antoneta”, u shpreh Olti Curri.
https://www.instagram.com/p/CAk9yTrF10v/
Nuk ka munguar gjithashtu edhe një replikë e menjëhershme nga Antoneta, e cila disi e pranoi që nuk shfaqet plotësisht vetvetja.
“Unë nuk jam dakord me Oltin se ai është radikal shumë. Po, është e vërtetë. Unë nuk jam 100% siç jam në përditshmëri, sepse unë e kam theksuar që televizioni ka një etikë, ka një mënyrë të qëndruari dhe të shprehurit dhe duhet ti qëndrosh asaj. Unë përpiqem që të nxjerr Antonetën që është e mirë për ekran” ka shpjeguar Antoneta.
Ndër të tjera Olti ka debatuar edhe me Fjoralba Ponarin. Ai e përshkroi atë si vajzën e kuruar, të sjellshme e të qendisur bukur. Fjoralba reagoi duke i treguar Oltit se ai nuk e njeh anën tjetër të karakterit të saj.
“Njerëzit krahasojnë momentet e mia të para në ekran me atë që jam sot. Unë mendoj që janë dy njerëz komplet të ndryshëm në perceptimin përtej ekranit. Nëse ti do kaloje pak kohë me mua do kuptoje që ajo që jam sot, është edhe Fjoralba në kafe, por ti nuk e ke atë fat. Të më thuash mua që je e vizatuar në mendime, unë këtë mënyrë të artikuluari kam edhe në përditshmëri dhe këtë mund ta dëshmoj gjithsecili prej këtyre këtu”, u shpreh Fjoralba.
