Aktorja shqiptare, Olta Gixhari, di të jetë sensuale dhe serioze sipas rastit. Prej disa ditësh ajo ndodhet në Prishtinë si pjesë e jurisë së “PriFest”, që po organizohet javën e fundit.
Gjithmonë e dimë se Olta do të sjellë një veshje sensuale dhe mezi presim ditën e nesërme për të parë paraqitjen e saj të radhës.
Katër ditë më parë, fustani i saj saten blu me dy të çara e bënte të dukej shumë sensuale.
Ndërsa ditën e djeshme Olta pati rastin të takonte një prej producentëve më të njohur të “Hollywood”-it, Paul Haggis. Dy herë fituesi i çmimit “Oscar” (“Million Dollar Baby” dhe “Crash”), Haggis ndodhet në Kosovë i ftuar për të qenë pjesë e eventit “PriFest”.
Dhe veshja e saj ishte më serioze dhe më “casual”, e veshur me një fustan të gjatë të kombinuar me një pulovër me kapuç.
Nuk dihet nëse Olta ka shfrytëzuar rastin për të bërë një foto me producentin Haggis apo takimi i tyre është më shumë se kaq, por e sigurt është që aktorja nuk është e kënaqur me mënyrën sesi funksionon kinemaja dhe teatri në Shqipëri. Pse të mos mendojmë që aktorja po krijon lidhje për ta zgjeruar karrierën e saj artistike edhe përtej kufijve shqiptarë.
Burimi: Instagram
